Afzalliklari:

Parazitlardan maksimal himoya uchun kuchaytirilgan formula;

Burga va bitlardan 8 haftagacha, kanalardan esa kamida 4 hafta himoya;

24 soatdan so‘ng uy hayvonining to‘liq himoyalanishi;

13 turdagi ektoparazitlarning barcha rivojlanish bosqichlariga qarshi samarali;

Kuchli aloqa va qo‘rqituvchi ta’sir;

Tishlashdan oldin ta’sir qiladi.

TARKIBI VA FARMAKOLOGIK XOSSALARI:

Tavsif:

Tashqi qo‘llash uchun maxsus hidli shaffof moysimon suyuqlik ko‘rinishidagi tomchilar.

Tarkibi:

100 ml preparat tarkibida ta’sir etuvchi modda: fipronil - 10,0 g bor.

Yordamchi moddalar: propilenglikol.

Qo‘llanish sohasi:

Itlarni rivojlanishning barcha bosqichlarida ektoparazitlar: burgalar (Ctenocephalus spp.), parazitli kanalar (Dermacentor spp., Rhipicephalus spp., Ixodes spp.) va bitlar (Haematopinus canis, Trichodectes canis va Felicola subrostraus) bilan zararlanishining oldini olish va davolash.

Sarcoptes canis, Otodectes cynotis va quloq kanalari bilan zararlangan itlarni davolash.

Boshqa turdagi kanalar (Neotrombicula automnalis, Sarcoptes scabiei), shuningdek, yiringsiz dermatit chaqiruvchi ayrim turdagi parazitlar (Cheyletiella) bilan zararlangan itlarni davolash.

Dozalash:

Preparat tashqi tomondan to‘g‘ridan-to‘g‘ri teriga pipetka-tomchi yordamida itlar yalay olmaydigan joylarga, dumg‘aza sohasiga va umurtqa pog‘onasi bo‘ylab quyidagi dozalarda surtiladi:

Hayvon turi Tana vazni, kg Preparat dozasi, ml Itlar 2 dan 10 gacha 0,8 (1 tomchi tomchi) Preparat bir marta qo‘llaniladi. Hayvonlarni ektoparazitlardan himoya qilish 1,5-2 oy davom etadi.

Profilaktika maqsadida hayvonlarga har 1,5-2 oyda ishlov beriladi.

Qichima va kam fagozlarda ishlov 8-10 kun oralatib 2-3 marta o‘tkaziladi.

Qarshi ko‘rsatmalar:

Kasal, ozib ketgan va holsizlangan hayvonlarga qo‘llanilmasin!

10 haftalikdan kichik hayvonlarga qo‘llanilmasin!

Fipronil yoki preparatning boshqa tarkibiy qismlariga sezgir bo‘lgan hayvonlarga qo‘llanilmasin!

Homilador urg‘ochi hayvonlarga qo‘llanilmasin!

Ehtiyot choralari:

Preparat bilan ishlayotganda chekish, ichish va ovqatlanish taqiqlanadi. Ishlov berish tugagandan so‘ng qo‘llarni iliq suv va sovun bilan yaxshilab yuvish lozim. Preparat tasodifan teriga yoki shilliq pardalarga tushsa, uni iliq oqar suv bilan yuvib tashlash kerak.

Hayvonlarni ishlov berishdan uch kun oldin va uch kun keyin cho‘miltirish tavsiya etilmaydi. Bu muddat o‘tgach, zooshampunsiz cho‘milish preparatning himoya ta’sirini pasaytirmaydi. Ishlov berilgandan so‘ng hayvonning preparatni yalab olishiga yo‘l qo‘ymaslik kerak. Preparatning ko‘zga tushishidan ehtiyot bo‘ling.