Ta’rifi:

Shaffof yoki och sariq rangdagi qovushoq konsistensiyali suyuqlik.

Tarkibi:

Preparatning 1 ml tarkibida faol modda: ivermektin - 10,0 mg mavjud.

Farmakologik xususiyatlari:

Ivermektin keng qamrovli antiparazitar ta’sirga ega. U parazitlarda nerv impulslari o‘tkazilishini buzadi, natijada ular falajlanib, nobud bo‘ladi. Preparat issiq qonli hayvonlar uchun zaharlidir. Davolash dozasida embriotoksik, teratogen, mutagen va kumulyativ xususiyatlarga ega emas.

Qo‘llash bo‘yicha tavsiyalar:

Ivermektin qoramol va qo‘ylarga: diktiokaulyoz, ostertagioz, gemonxoz, trixostrongilez, kooperioz, xabertioz, protostrongilez, ezofagostomoz, nematodiroz, bunostomoz, strongiloidoz, trixotsefalezda; cho‘chqalarga: askaridoz, ezofagostomoz, trixotsefalez, metastrongilez, strongiloidozda qo‘llaniladi.

Qo‘llash usuli va dozalari:

Preparat qoramollarga bir marta, bo‘yin yoki kurak sohasiga teri ostiga yuboriladi; qo‘ylarga tirsak burmasi junsiz qismiga faol modda hisobiga 0,2 mg/kg dozada, ya’ni 50 kg tana vazniga 1 ml eritma hisobida;

Nojo‘ya ta’siri:

Tavsiya etilgan dozalarga rioya qilinmasa, zaharlanish yuz berishi mumkin.

Qarshi ko‘rsatmalar:

Urg‘ochi hayvonlarga tug‘ishdan ikki hafta oldin va tug‘gandan keyin ikki hafta davomida, shuningdek ozg‘in, kasal va sut beruvchi hayvonlarga qo‘llash man etiladi.

Ogohlantirish:

Qoramol va qo‘ylarni go‘sht uchun so‘yishga preparat qo‘llanilgandan 28 kun o‘tgach, cho‘chqalarni esa 21 kundan keyin ruxsat etiladi.

Ishlab chiqarish shakli:

Preparat 10 ml va 100 ml hajmli shisha idishlarga qadoqlanadi.

Saqlash shartlari:

Yorug‘likdan himoyalangan joyda 0°C dan 30°C gacha haroratda saqlanadi.

Yaroqlilik muddati:

2 yil.