Tarkibi:

tetratsiklin – 10 mg, veterinariya vazelini.

Xususiyatlari:

keng ta’sir doirasiga ega antibiotik hisoblanadi; gram-musbat va gram-manfiy bakteriyalarga, rikketsiyalarga, traxoma va ornitoz qo‘zg‘atuvchilariga qarshi faol.

Qo‘llanilishi:

Tetratsiklin 1% li malham hayvonlarda infeksion etiologiyali ko‘z kasalliklarini: konyunktivit, blefarit, traxoma, shox parda shikastlanishi va bakterial qo‘zg‘atuvchilar keltirib chiqaradigan boshqa kasalliklarni davolash uchun ishlatiladi.

Qo‘llash tartibi va dozasi:

Malham shisha tayoqcha yordamida hayvonning pastki qovog‘i ostiga qo‘yiladi. Yengil uqalash harakatlari bilan qovoqning tashqi tomonidan paxta tampon yordamida konyunktival xaltacha bo‘ylab tarqatiladi. Malham tuzalguncha har kuni 3-5 marta surtiladi. Kasallikning kechishiga qarab, dori vositasining dozasi bir hayvonga 0,2-0,4 g ni tashkil etishi mumkin.

Qarshi ko‘rsatmalar:

hayvonning tetratsiklinga, oksitetratsiklinga, xlortetratsiklinga sezgirligi bo‘lsa; boshqa mahalliy qo‘llaniladigan vositalar bilan bir vaqtda ishlatish.

Ehtiyot choralari:

Tetratsiklin 1% malhami bilan ishlashda dori vositalari bilan ishlash uchun belgilangan shaxsiy gigiyena va xavfsizlik texnikasining umumiy qoidalariga rioya qilish lozim.

Saqlash qoidalari:

Yorug‘likdan himoyalangan joyda saqlang.

Bolalar qo‘li yetmaydigan joyda saqlang.

Quruq, qorong‘i joyda saqlang.

Saqlash harorati +20°S gacha.

Yaroqlilik muddati – 2 yil.